Soutomaior celebrou con éxito a 1ª Gala do Deporte o pasado día 29, sobre ás 20:30 comezaba a chegar o público asistente así como os nominados nas distintas disciplinas deportivas. Pasados uns minutos do horario previsto arrancaba o acto Terio Carrera e Sergio Pazos foron os encargados de conducir esta 1ª gala deportiva.
No auditorio do Multiusos de Arcade viviuse un continuo desfile de deportistas en busca do recoñecemento deportivo, un recoñecemento que como dixo o alcalde de Soutomaior Agustín Reguera non será o único, xa que parte das instalacións deportivas da Vila van ser restauradas para un uso mellor dos deportistas.Un dos momentos máis sensibles da noite foi cando se lle deu paso á homenaxe aquelas persoas que adicaron toda a súa vida en fomentar os equipos do propio Concello, sen dúbida algunha Soutomaior viviu deportivamente falando un dos seus días máis grandes.