O Concello de Soutomaior finalizou os traballos que estaba a levar a cabo nos lavadoiros de Viñó e a Conviña no barrio de Lourido A actuación está enmarcada no Programa Municipal de Recuperación do Patrimonio e ten como obxectivo recuperar antigas zonas de uso colectivo, como as fontes e lavadoiros, para darlles unha nova vida.

Estes puntos servían tradicionalmente como lugar de encontro entre os veciñ@s, nos que ademais de lavar a roupa compartíanse experiencias e fortalecíase a comunidade. Para manter viva a esencia destes lugares, o lavadoiro recuperouse con materiais nobres e autóctonos, como o granito e a madeira, para garantir a súa integración no contorno.

Ademais de dar unha nova cara a todo o conxunto mediante unha limpeza e rexuntado de toda a mampostería perimetral, o chan de todo o recinto renovouse ao completo cun solado de pedra graníticade 3cm de espesor sobre o que se instalaron os elementos de seguridade, como varandas e unha nova cancela abatible que peche o conxunto. Do mesmo xeito, construíuse unha nova cuberta de tella cerámica tradicional e recuperouse por completo a zona da balsa de auga cun chapado de pedra.

Por último, tamén se renovou a instalación eléctrica de todo o conxunto mediante unha rede protexida e estanca que alimenta a nova pantalla led de baixo consumo.

ComparteEmail this to someoneShare on FacebookTweet about this on TwitterShare on Google+